藝人Angelababy被傳因為同內地綜藝節目《奔跑吧》節目組不和，疑退出第十季節目，唔再做主持！雖然傳聞不絕于耳，但佢一于少理，日前仲孖住因拍新劇《愛情應該有的樣子》而傳緋聞嘅小鮮肉賴冠霖，齊齊出席婚禮，但全程唔見佢老公黃曉明，唔通因為曉明有工作在身，所以唔得閑陪老婆？
百忙中都去觀禮，據聞Baby同新娘子好老友，新娘子就系《愛》劇嘅女導演徐棱棱（又名徐圓圓），喺網友流出嘅短片中，見Baby打扮得好低調，又冇乜化妝，仲著住件款式好貼地嘅白色衛衣，明顯唔想搶新娘子風頭，靚，始終點擋都擋唔住嘅，素顏Baby依然系全場蕞索！
Baby艷光四射，成為全場焦點外，陪住Baby左右、19歲嘅賴冠霖，亦都系現場賓客嘅“八卦位”！呢對緋聞男友全程零避忌，反而仲一齊對住鏡頭熱情揮手，Baby送出真摯嘅祝福：“祝圓姐和陳老師新婚快樂”，賴冠霖就笑得好甜，露出咗酒窩仔。唔少網民對Baby同賴冠霖呢對“姊弟CP”相當受落，雖然佢哋年紀相差13歲，但男帥女靚零違和，唔講都唔知Baby已經32歲，仲話爭啲以為佢哋系同一個年齡層添，唔知黃曉明覺得老婆同賴弟襯唔襯呢？
